Gipanguyaban sa cellphone

Dear Tita Salie,

Have a wonderful day. Ako diay si Mr. R.B.C., 19 yrs of age, taga Liloan, Cebu, high school student. My problem is about my lovelife.

Duna ko’y classmate nga akong gipanguyaban sa cellphone. Pero wala ko niya sugta, ang iyang gisugot mao ang akong bestfriend. Sakitan lagi ko, Tita Salie, labina kun ako silang makit-an nga loving kaayo. Duna pa kaha koy chance niya? Magpaabot pa ba ko nga magkabuwag sila?

Unsa kahay angay nakong buhaton? Palihug pasabta intawon ko, Tita Salie. Thank you so much.

* * *

Good day Mr. R.B.C.,

Normal lang sa usa ka tawo nga mobati og sakitan. Ang dili normal kun sa cellphone lang nimo siya gipanguyaban. Bestfriend nimo ang iyang gisugot. Be praktikal, kay ang Proverbio 17:17 nag-ingon: “Ang tinuod nga higala mahigugma sa tanang panahon.”

Ilabi na ingon niini  nga sitwasyon. Ug ang 1 Corinto 13:7 nag-ingon: “Ang gugma muantos sa tanang panahon, mulaom sa tanang panahon ug molahutay sa tanang panahon.”

Busa tungod sa imong gugma niya kun willing ka nga  magpaabot buhata. Apan ang desisyon magpabiling gikan sa imoha. -- Tita Salie