Jezebel
Gula 128
“Unya na balik sa imong kuwarto, Jezebel,” matud ni James. “Pahimuslan ta ang higayon nga wala ang akong mama. Morebansin pa ta, okey?” Wala na lang ko motingog. Silence means yes, matud pa.
Unsaon ko pagbalibad si James nga gikatugyan ko na man kaniya ang akong pagkababaye. Nagtuo ko nga dili ako ang una’ng babaye sa kinabuhi ni James. Tingali may uyab na siya kaniadto ug naangkon niya ang pagkababaye niini mao nga dili na siya ignorante bahin sa sex.
Labaw na’ng dili na siya inosente bahin niini. Hinuon kining ako pagduda lang. Wala ‘sab koy interes nga mangutikuti kang James mahitungod niini aron pagsuta kun wala ba ko masayop sa akong katahap. Alang nako, dili na kini big deal.
Paglabay sa pipila ka gutlo, misugod na usab si James sa pagpabatyag kanako sa kalalim sa foreplay. Dihang mikuyanap na sa akong lawas ang kalalim sa romansa nga gidul-it ni James kanako, subli niyang giangkon ang akong pagkababaye.
Nagpabatang na lang ko ni James. Gigakos ko siya’g hugot. Hangtod nga akong nabatyagan nga misaka sa mas taas nga level ang sensasyon nga mikuyanap sa akong kalawasan. (Sumpayan pa)
- Latest
