Guwapa nga piniriso

Wala tuyoa nga nag-ukobay na ang masig ka mga ngabil nila ni Samuel ug Jenny. Migakos pag-ayo si Jenny kang Samuel nga gusto na unta kaayo nga ipabatyag sa dalaga ang iyang mga pagpangga apan may kabalaka nga mihakop kaniya.

Nabalaka si Samuel nga basin og magtuo si Jenny nga abusado siya nga pagkatawo mao nga gidala niya sa iyang panimalay ang dalaga. Nanghugot ang kaunoran ni Samuel ug iya nga naalinggatan nga may kabahin sa iyang lawas nga mihinay-hinay sa pagtuyhakaw.

“Jen, ako na tingali ang labing malipayong binuhat dinhi sa kalibutan karon nga nahimo ko na ikaw nga girlfriend,” giingnan ni Samuel si Jenny. Nakapahiyom si Jenny nga nakadungog sa gisulti ni Samuel kaniya. “Maayo g’yud kaayo ka nga mobulatik uy,” ni Jenny pa. Gitug-anan ni Samuel si Jenny nga nagdako lang ang iyang huna-huna nga paraygan og maayo ang dalaga apan nabalaka siya nga makaingon unya kini nga abusado siya ug mapahimuslanon sa higayon.

“Ngano’ng moingon man ko nga abusado ka nga boyfriend na man tika?,” matud ni Jenny nga mao pa ang miparayeg pag-ayo kang Samuel. “Isalig nako kanimo ang akong kaugmaon Sam,” matud ni Jenny.

Giparaygan pag-ayo ni Samuel si Jenny hangtud nga anam-anam nga nanginit ang tagsa-tagsa nila ka kalawasan. Gitagbaw pag-ayo ni Samuel ang iyang kaugalingon sa pagdimdim sa katam-is sa mga ngabil ni Jenny. Nakabatyag si Samuel nga ingon sa dili na niya mapugngan pa ang kaugalingon. Ingon sa gianod na siya sa iyang gibati. “Adto ta sa akong kuwarto Jen, puwede ba?” hagawhaw ni Samuel ngadto sa dalaga. Wala motubag si Jenny apan nabasa niya nga wala’y pagsupak ang dalaga tungod sa iyang pahiyom.

Gisaw-an nila ang makabuhong nga kalipay.  Milabay ang mga adlaw ug mga semana. Pinaagi sa tabang ni Samuel, na-dismiss ang kaso ni Jenny sa korte ug hugot na ang iyang hukom nga pangasaw-on ang dalaga. (Katapusan)