Dili mosugot

Dear Tita Salie,

Have a wonderful day and I hope that everything is fine with you, Tita. By the way. I am Ms. Ann, 25 yrs old and I am still single.

Naglibog man gud ko niining akong boyfriend kun unsay iyang gibati diri nako. Hapit na mi mag 5 years sa among relasyon ug ingon gyud niini ang akong uyab. Dili man gud ko kasabot niya tungod kay kun ako siyang teksan dili man mo-reply. Mora ba og iyang gipakita ngari nako nga wala siya’y gana makig-estorya nako sa text kay dili ba ang kasagaran ang manag-uyab magsige man gyud sila’g text adlaw ug gabii, apan siya wala gyuy pakialam.

Mao nga sa akong kalagot ako siyang gibulagan. Apan ang problema kay dili man siya mosugot kay matud niya love kaayo ko niya. Unsa may akong buhaton. Naglibog gyud ko. Palihog pasabta ko,  Tita Salie. Thank you and God bless you.”

* * *

Everdearest Ann,

Sa inyong sitwasyon karon uban nianang imong boyfriend, akong nakita ang duha ka posibleng hinungdan kun nganong dili siya mo-reply sa imong text. Kun tinuod siyang nahigugma kanimo maningkamot siya ug mangita’g paagi aron malipay ka. Maguol usab siya kun iyang masayran nga nagmagul-anon ang iyang hinigugma. Dili siya mahimutang kondili niya matubag ang tawag o text sa iyang uyab. Mao kini ang mga gestures sa lalaki nga tinuod nga nagmahal sa iyang uyab.

Sa iyang gipakita kanimo dunay duha ka hinungdan. Una,  tingali kun wala siyay load. Wala siya’y trabaho ug wala gyud siya’y kuwarta aron makapa-load siya. Ang ikaduha mao nga tingali kun iyang gitago kanunay ang iyang simcard or celfon tungod kay duna siya’y uyab o tingali kun minyo na siya ug nagpaka ulitawo lang.  -- Tita Salie