Maoy nakauna

Dear Tita Salie,

Just call me Krish, 19, dalaga. My problem is about my boyfriend.

Dili pa lang mi kaayo dugay sa among relasyon. Six months pa mi, Tita Salie, apan to tell you the truth love na kaayo nako siya ug mora’g dili nako kaya kun mawala siya sa akong life.

Usa ka dancer ang akong boyfriend. Ug dili kay kausa ra nako siyang nasakpan nga dunay laing babaye. Everytime nga ako siyang masakpan ako lang siyang pasayloon kay dili ko gusto nga magbulag mi.

Karon, naay laing uyab ang akong bf ug ako gyud mismo ang nakakita nila. Gisakitan ko pag-ayo apan dili ko gusto nga mawala siya nako. Duna na man goy nahitabo namo, Tita Salie, nga something-something ug siya usab ang nakauna nako.

Unsa may akong buhaton niining maong sitwasyon? Palihog pasabta ko. Thank you so much and God bless.

* * *

Hello, Krish! Imong giingon nga dili nimo kaya kun wala ang imong uyab. Apan kaya ba nimo nga anaa siya apan kanunay kang masakitan kay palekiro siya kaayo?

Kaya ba nimo nga anaa siya apan mora og balewala ka lang niya? Kun kaya nimo bisan giabusaran ka sa imong dakong gugma kaniya, wala nay mahimo ang akong tambag kanimo.

Ayaw na hunahunaa ang nahitabo kaninyo, kay ang nahuman na dili na gyud puyde natong usbon o balikon. Maoy hunahunaon ang imong kahimtang karon ang imong kaugmaon. Kalimti na nga siya’y nakauna kanimo.

Ug maoy hunahunaa nga wala ka gisuwerte uban kaniya kay dili siya ang tawo nga deserving nga makaangkon kanimo. -- Tita Salie