Dili kayang bulagan

Dear Tita Salie,

Have a wonderful day. I am an avid reader of your column ang “pasabta ko.” I really love to read your advice.

By the way, just call me, Ching, 18 yrs of age and I am single.

My problem is all about my love life. I really don’t know what to do anymore with the situation that I have right now. That is why, hangyo ko nimo, tita Salie nga please tabangi ko sa akong situwasyon.

Duna man gud koy nakaila nga usa ka lesbian ug nagkasuod mi. Unya nanguyab siya nako ug akong gisugot tungod kay na-inlove man ko niya bisan kun duna siya’y laing uyab.

Unya miteks nako ang iyang igsuon nga lalaki ug nagkasuod usab kami ug karon nagkauysab pud mi. Nagproblema ko, tita Salie, tungod kay pareho man silang bug-at sa akong kasingkasing. Dili nako kayang bulagan ang lesbian kay aduna koy feeling kaniya.

Palihog pasabta ko, tita Salie, kun unsay angay nakong buhaton.

* * *

Dearest Ching,

Yes, tinuod gyud nga lisod kaayo ang paghimo og hukom kun mahitungod ra sa mga isyu sa gugma diin ang atong kasingkasing maoy bida o hari.

Ang paghimo og hukom o judgement trabaho kini sa atong ulo o utok. Ang paghigugma trabaho kini sa atong kasingkasing.

Kun maghimo ka’g hukom, mahitungod sa imong gugma kinahanglan nga imong dad-on ngadto sa imong ulo ang mga object o mga butang nga imong padesisyonan aron imo kining masabtan ug makit-an ang kamatuoran tungod kay ang kamatuoran or truth maoy object sa imong intellect o panabot.

Diha sa imong panabot imong masabtan ug makit-an kun unsay angay kanimo ug kinsang gugma ang dapat nimong amomahon ug padayonon.-- Tita Salie