Manggihatagon nga inahan

Dear DJ Inday Misyel,

Problema nako mao ang bahin sa akong inahan nga subra ka manggihatagon. Kun adunay mangayo o mamarayeg kaniya mohatag g’yud dayon siya. Wala ko makagusto niini apan unsay angay nako’ng buhaton? - Riza

* * *

Dear Riza,

Angay ka nga malipay kay dili mapahitas-on ang imong inahan. Dili kini dawo nga pagkatawo bahin sa mga pisikal nga butang. Nahibawo ang imong inahan sa iyang gibuhat. Bisan sa gamay nga butang nga iyang mahatag apan mipatigbabaw g’yud ang iyang pagsabot nga adunay mga tawo nga nanginahanglan. Bulahan ang tawo nga adunay pagmahal sa iyang isigkaingon ug may manggihatagon nga kinaiya ngadto sa uban. Angay nimo nga sabton ang dalaygong buhat sa imong inahan isip tinuod nga Kristiyanos. - DJ Inday Misyel