Jezebel

Gula 86

Nagsayranay mi si Edward sa among schedule of classes ug sa oras nga bakante ming duha, magkita mi aron magtagay sa lawasnong kalipay. Daginoton namo ang mga takna aron pagtagay sa kalalim. May mga higayon nga sa akong boarding house kami.Usahay sab akoy moadto sa iyang gipuy-an.

Nagpadayon kami sa pagpaulipon sa among kahigal sa walay paghunahuna nga masayran ang among binuhatan sa among mga ginikanan.

Sanglit naglikay ko aron dili makadungog sa kanunay’ng panaglalis sa akong parents, dili ko mopauli sa Mabini inigka-weekend. Mao usab si Edward. Sulod sa usa ka bulan, kausa ra kami mopauli sa Mabini aron pagkuha sa allowance ug ubang panginahanglan. Sa boarding house ni Edward kami maglublob sa adlaw’ng Sabado ug Domingo. Tagbawon namo ang among kaugalingon sa panaghilawas.

Relax ug enjoy kanunay kami ni Edward. May mga higayon nga human sa among panaghilawas, magkasabot mi nga manan-aw og sine. Pag-uli namo gikan sa sinehan, modiretso mi sa iyang boarding house ug mo-score pag-usab. Nalingaw kaayo ko sa among set-up. Inigka-Lunes sa buntag na ko mobalik sa akong boarding house.

May mga higayon sab nga kun dili gyud mi makalugar si Edward tungod sa daghang angay atimanon sa tulonghaan mag-short time mi sulod sa motel. – Sumpayan pa