Jezebel

Unya nangandam na usab kami alang sa lain pang round sa among kumbate. Halos tibuok gabii nga kini ray among gihimo. Kaadlawon na ming nangatulog.

Pagkabuntag, sa wala pa mi mag-breakfast, mi-score una si Edward og kausa. Maayo gyud kaayong modaginot sa oras kining tawhana aron lang makapahungaw.

Human sa pamahaw, nangadto na kami sa terminal dala ang among mga gamit. Mao gyu’y paglarga sa bus nga biyahe’g alas 8 sa among pag-abot. Puno kini sa pasahero mao nga ang biyahe sa alas 9 na lang gyud maoy among gisakyan. Untop alas 12 sa udto nahiabot mi sa Mabini. Midiretso ko sa among pinuy-anan.

Samtang nag-enjoy mi sa among semestral break, kami si Edward kanunay nangita’g higayon nga magkita. Magkontakay lang kami sa cellphone. Usahay adto mi mag-abot sa Baybayon Beach.

Apan kasagaran, mosulod siya sa akong room inig-kagabii aron tagayon ang matam-is nga dugos sa lawasnong kalipay. Sa among balay, may namatikdan kong diyotay nga kausaban. Kanunay maglalis sila si Tatay Metodio ug Nanay Ludy. Mura’g nahimo mang seloso si Tatay Metodio. Ingon sa uga na ang pagtinagdanay nilang tatay ug nanay. –