Collect and select

Dear DJ Inday Misyel,

Good day. Magpatambag unta ko nimo aron magiyahan kun hain sa duha nako ka boyfriend ang akong pilion ug ubanan sa altar sa kaminyoon. Kining usa nako ka boyfriend daghan ug dako na kaayo og natabang kanako. Kun unsa ang akong isulti niya iya dayon nga ihatag kanako apan ang nakapait kay seloso kaayo ug mura’g wala nako’y gugma kaniya. Ang akong usa ka BF, dili seloso ug mas love nako siya. Please tambagi ko. - Lyn

Dear Lyn,

Collect and select. Hehehe. Nakita nimo ang comparison sa duha ka lalaki. Well imo na nga nasinati sila’ng duha ug kinahanglan nga mohukom ka na aron dili moresulta unya sa away ug basin nga wala ka na’y mapili.   By the way, ang situation nga multiple relationship ngadto sa mga lalaki o mga babaye lisud magunitan ug posible usab nga makabalda kini sa mga oras ug trabaho. Maoy ibutang sa imong huna-huna nga ang grabe’ng selos sagad mosangpot sa kagubot sa magtiayon. Ang imong sayop kay magsige ka og pangayo’g bisan unsa na lang sa imong BF, maghuwat ka lang unta kun may ihatag kanimo. Apan ayaw isakripisyo ang imong kaugmaon tungod lang kay daghan na og nahatag kanimo ang imong BF. - DJ Inday Misyel