Jezebel - Gula 75

Kun dili  makahigayon si Edward pag-adto sa akong boarding house, ako’y moadto sa iyang gipuy-an. Sulod sa iyang room walay pagkapuol namong gitagamtam ang kalalim sa kalipay nga lawasnon mora ba’g nangaadik mi sa sex. Usahay baya ingon sa makonsensiya ko. Ang akong parents wala gayod intawo’y kasayoran nga dugay ra ming nagkawatkawat si Edward pagtagay sa lawasnong kalipay. Nagdahom lang sila nga nagtarong ko sa akong pag-eskuwela ug wala maghimo’g premarital sex. Hinuon, wala man nako pasagdi ang akong pagtuon. Apan ang gihimo namo ni Edward usa ka dakong sala sanglit ang sex angay man lang buhaton sa mga magtiayon. Aware ko niini apan dili ko makapugong sa kainit sa akong gibati. Gikalipay ko sa hilabihan ang gibuhat namo ni Edward.

Matag Biyernes o kaha sa adlaw’ng Sabado human sa mga klase, ang kadaghanan sa mga estudyante mamauli sa tagsatagsa nila ka dapit. Apan usa niana ka weekend, nagkasabot kami si Edward nga dili makauli sa Mabini. Sa adlaw’ng Sabado ug Domingo didto ra ko sa iyang boarding house. Iya kong gilumloman. Sulod sa duha ka adlaw mao ray among gihimo ang subli-subling pagtagay sa lawasnong kalipay.

Mura mi’g bag-ong minyo nga nag-honeymoon. Mag-ukang lang kun mangaon. Kanunay ra ming naglublob sa kuwarto. Kanunay nagdulog. -- Sumpayan pa