Jezebel - Gula 7

Mitak-op ang second semester apan panagsa ra gihapon kami magkita si Edward kay mikuha man siya’g summer classes. Mao ray nagdugtong sa among komunikasyon ang among mga selpon.

Usa niana ka adlaw, nakadungog ko nga naglalis sila si tatay Metodio ug nanay Ludy sulod sa ilang kuwarto. Sa akong nasabtan sa ilang panag-irgo, mora’g may gipangabubhoan si Tatay.

Mitingog ang message alert tone sa akong cellphone nga gipatong sa akong kama. Gipunit ko ang cellphone aron pagsusi kun kinsay nag-text. Si Edward diay. Nagpahibalo siya nako nga nahiabot na siya gikan sa Tagbilaran ug mosulod siya sa akong kuwarto karong gabii. Mao pa ko nahinumdom nga Sabado diay karong adlawa.

Nianang pagkagabii, misulod tuod si Edward sa akong kuwarto agi sa may bentana. Ang lima ka adlaw nga wala kami magkita sama sa usa ka tuig na alang kanamo. Mao nga gipahungaw dayon namo ang kamingaw sa usa’g-usa. Kadali ra ming nakatangtang sa tanang salimbong sa among lawas. Unya gitaak namo ang ikapitong langit. Tugob sa kainit ang among seksuwal nga panagtagbo. Puno sa kalalim.”

Way tihiktihik ang kombate namo ni Edward sa ibabaw sa kama. Human sa unang round, namahulay lang mi’g kadiyot unya gisugdan na usab namo ang ikaduhang round. Unya ang ikatulo, ikaupat ug ikalimang round.

Nagtagbaw gyud mi’g maayo sa pagtagay sa lawasnong kalipay kay inigkaugma mobalik na man si Edward sa Tagbilaran kay wala pa man mahuman ang iyang summer classes. -- Sumpayan pa