Uyab taas og grado

Dear DJ Inday Misyel,

Maayong adlaw. Ako si Bianca, 20-anyos ug nagtrabaho sa usa ka bakery isip tindera kay wala man intawon ko nakahuman sa pag-eskuwela, mao nga dili ko maka-apply og dako’ng kompaniya. Ang akong problema mahitungod kini sa akong lovelife. Ang akong BF, gradohan man gud, unya wala siya kahibalo nga wala gani ko makatiwas sa elementarya mao nga mahadlok ug maulaw ko kay basin ma-disappointed siya nako. Kun makadawat man siya nako basin ang iyang pamilya dili ko madawat nila. Naglibog ko, gusto ko mobuwag niya kay feeling nako dili ko bagay sa akong BF. Please hatagi og kalinaw ang akong hunahuna. - Bianca

* * *

Dear Bianca,

Unsa may gusto nimo’ng makauban sa kinabuhi, kana ‘sab nga wala’y grado? Unya kun pareho mo’g level sa kinabuhi, duna bay kausaban sa inyo’ng kaugalingon? There's nothing wrong sa inyo’ng duha kay uyab pa man mo, nag-una lang ang imong nga negatibo’ng pangagpas. Angay magpasalamat ka kun nagtinarong ang imong BF ug mihatag og dako’ng bili kanimo. Ayaw paghatag og hukom aron dili ka mahukman usab sa imong kalibog. Padayon sa maayo’ng buhat kay kini nga batasan wala sa ubang tawo nga tag-as og grado. Kahadloki ang Dios, dili ang imong negatibo nga hunahuna.

Palamboa ang imong pagtuo ug pangandoy kay wala’y imposible kun motuo ka sa Kahitas-an. - DJ Inday Misyel