Jezebel

Gula 69

Gipahibalo ko si Edward pinaagi sa text nga puwede diay siyang makasulod sa akong boarding house.  Patuohon lang namo ang tag-iya sa balay nga managsuon ming duha aron makasulod siya sa akong kuwarto.

Tuod man, nianang pagkasunod adlaw, mibisita si Edward sa akong boarding house. Giatol niya sa udto ang pagbisita.

Nag-text siya nakong daan aron ako makapangandam. Gisugdan dayon namo ang gikasabotan na namong drama. Gipaila ko siya sa tag-iya sa balay isip akong igsuon nga ako siyang manghod. Sa atubangan sa among landlady, nag-“ate” nako si Edward aron gayud motuo ang tag-iya sa balay nga managsuon kami.

Human sukit-sukita sa akong landlady si Edward, gitugotan na siyang makasulod sa akong kuwarto. Didto nakahigayon mi pagtagay sa lawasnong kalipay.

Sulod sa room nga akong gi-okupar sa boarding house, gipugngan nako ang pag-agumod.

Bisan serado ang akong kuwarto apan naniguro gyud ko nga wala’y makadungog kanamo.

Dili ko gustong may usa sa akong mga ka boardmate nga magduda nga dili tinuod nga igsuon nako si Edward. Tingalig mosumbong kini ngadto sa tag-iya sa balay.

Daw miutong ang mga gutlo dihang nagkadungan kami si Edward pagsangko sa kinapungkayan sa himaya. Nagtubag-tubag ang among mga hangos. – Sumpayan pa