Jezebel
Gula 67
Sulod sa pribadong lawak sa usa ka motel, gisaw-an namo ni Edward ang matam-is nga dugos sa lawasnong kalipay nga among gitagay sa ibabaw sa kama. Ang upat ka suok sa lawak nga among nahimutangan maoy nahimong saksi sa kainit sa among pagpinarayganay. Tugob sa sensasyon ang among gibuhat.
Human sa duha ka round nga lovemaking session, nanggawas kami si Edward sa motel. Sa gawas mipara siya’g tricycle ug nagpahatod mi ngadto sa akong boarding house. Gusto kuno siyang makatultol sa balay nga akong gipuy-an.
Gimandoan ko ang driver sa tricycle sa paghunong dihang nahiabot na kami sa tungod sa akong boarding house. Miuna ko’g kanaog samtang mihatag si Edward sa among plite ngadto sa driver. Pagkanaog ni Edward, mibiya ang tricycle sa among tungod.
“Hain man ang imong boarding house?” Gipangutana ko ni Edward. Gitudlo ko ang dos andanas nga balay.
“Daghan ba mo diha?” Laing pangutana ni Edward.
“Dul-an sa kuwarenta,” tubag ko. “Pulos mi babaye.”
“Gusto kong mosulod.”
“Ayaw una karon. Wala pa ra ba ko masayod sa tanang mga patakaran sa boarding house. Tingalig dili pasudlon ang mga lalaki.
Wala na mamugos si Edward. -- Sumpayan pa
- Latest
