Jezebel

Gula 65

Naghangos si Edward nga mikanaog gikan sa ibabaw sa akong lawas ug mihigda sa akong tupad. Nagpahiyom ko samtang nagpiyong pa ang mga mata tungod sa kalipay nga akong gibati. Epektibo kaayo ang gihimong pagana ni Edward kanako.

Dihang inanay nang mihunas ang gibati kong kakutas, mibangon ko aron mag-ilis.

“Adto na ko,” nananghid ko kang Edward.

“Magkita ta unyang gabii,” niya pa.“Manihapon ta.”

“Dili ko makaseguro. 8:30 sa gabii mahuman ang akong klase.”

“Basta, paaboton ta ka. Mag-una ko nimo didto sa Agora, ha.”

“Mo-text lang unya ko nimo.”

“Sige.”          

Gihatod ko ni Edward sa gawas sa iyang boarding house. Diha pa gihapon sa sala ang mga lalaki sa among pag-agi kaganina.

Sa gawas, mipara ko’g tricycle ug nagpahatod ngadto sa akong boarding house. Sa akong pag-abot, midiretso ko sa akong kuwarto ug mipahulay sa makadiyot. Unya nangandam ko alang sa akong klase inigka-3:30.

May 45 minutos pa ang nahibilin sa dili pa ang akong klase sa 3:30. Gilaay ko’g paabot sa oras nga sugdan ang akong klase. Nakatulog hinuon ko. Diriyot gyud hinuon ko ma-late sa akong klase kay 3:30 na kong nakamata. – Sumpayan pa