Makigbulag hadlok mapriso

Dear DJ Jacky G.,

Mabdos ko karon, 7 months. Nag-ipon mi sa amahan apan kasado siya sa laing babaye. Naa sila’y usa ka anak. Naabot mi ani sa DSWD tungod kay ang iyang asawa nangayo og sustento para sa bata. Nagplano ko nga ini’g human nako’g panganak, magpalayo na ko niya kay kuyawan ko nga ang iyang asawa mangusog ug ipapreso mi’ng duha kay naa na baya’y ebidensya.  Akoa lang gi-advance ang akong pangisip para sa kaluwasan namo sa akong anak. Angay ba nako’ng ipadayon ang akong plano DJ Jacky? - Ms. Advance

Dear Ms. Advance,

Husto ka, angay g’yud ka nga mobiya alang sa kaluwasan nimo ug sa imong anak, alang pud sa imong peace of mind.  Bisan pa’g wa na sila nag-ipon, di pa man annulled ang ilang kasal so he is still legally-bound to fulfill his responsibilities isip bana ug amahan. Kun mubiya man gani ka, the sooner, the better. Mas maglisod ka og dugay-dugayon pa nimo.  Pag-estorya mo og tarong sa imong kapuyo. Pasabta siya sa imong desisyon. Pray before you talk to him nga hinaot malamdagan pud siya ug dili na ka niya lisod-lisoron. Masayop man g’yud tang tanan. Pero kita’ng tanan, gihatagan pud og higayon nga mag-usab. The right decisions are often the hardest to make.  But they reap the best reward! – DJ Jacky G 

 Kun gusto ka’ng ma-feature sa DDJJG, i-like akong FB fanpage ug i-private message imong problema sa www.facebook.com/djjackyg and follow me on IG:  www.instagram.com/djjackyg  Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!