Love g’yud gihapon

Dear DJ IndayMisyel,

Magpa-advice ko nimo about sa akong love life. Sa high school pa ko, duna ko’y BF, unya nagsinaaray mi. Pero sa diha nga nag-work nako sa MEPZ, nausab na ang tanan. Babae na ang motubag sa iyang cellphone kon akong tawgon. Sa dihang miuli ko sa Pinamungajan, ako siya nga nakit-an nga nag-drive og motor nga may angkas nga babaye. Nagkita mi, ingon siya iyaan kuno niya ang babae nga miangkas sa motor. Sakit kaayo nako ang akong nasayran nga duna na siya’y lain. Diri sa akong trabahoan, daghan ang nanguyab nako, pero naglibog ko kon sugton ba nako aron makabawos ko niya. Angkonon nako nga hangtod karon love lang gihapon nako ang akong BF.–Miss 18 years old

* * *

Dear Miss 18 years old,

Oo, nasabtan ko ikaw pero mas makahatag nimo og kaayohan kon mo-focus ka usa sa imong trabaho. Pagtigom aron busog ang imong panudlanan. Hatagi'g bili ang imong kaugalingon nga ikaw mahinungdanon, dako pa ang paglaum nga moasenso.

Dawata ug kalimti ang imong nangagi nga relasyon ug ablihi ang imong kaugalingon  ngadto sa Dios, ug pangayo kaniya og guidance nga dili ka maalaot sa relasyon nga dili pa angay sa imong pangidaron. Bata ka pa ug taas pa ang panahon nga ikaw makakita sa right guy nga gitagana sa kahitas-an para nimo. – DJ Inday Misyel

* * *

Listen to my program sa DYKC, Monday to Saturday from 10:30 to 12 midnight and 1pm-3pm Sunday.