Jezebel

Gula 29

Nagkapaspas ang mga lihok ni Edward. Nabatyagan ko usab nga misaka ang level sa sensasyon nga akong gibati.

“I love you, Jezebel...”

“I love you too, Edward...ohhh...”

Ug nagdungan kami pagsangko sa kinapungkayan sa kalalim nga among gisaw-an.

Managsamang nag-abot ang among gininhawa sa kakutas.

Mibangon si Edward.

Iyang gigunitan ang tuo kong kamot aron ako makatindog. Iya kong gipahigda sa kama ug mitupad siya nako.

Sama nako, naghangos pa gihapon siya. Kutob ra mi sa pagtinan-away. Wala’y mga pulong nga nanggula sa among baba.

Gigakos ko ni Edward. Apan giwakli ko ang iyang mga kamot. Mitakilid ko sa paghigda patalikod niya.

Wala ko kapugngi ang pagpatulo sa akong mga luha. Wala ko makasabot kon nganong gihilakan ko man ang nahitabo kanamo.

Pagkataudtaod, inanay kong nakaamgo kon unsay hinungdan sa akong paghilak. Nakonsensiya ko sa akong gibuhat. Nahinumdom ko sa akong mga ginikanan.

Nagtuo intawon sila nga mikuyog ko sa akong mga higala sa pagpangaligo sa dagat apan diay... -- Sumpayan pa