Jezebel

Gula 11

“Pasagdi ko sa akong buhaton,” maguwang sa hagawhaw ang tingog ni Edward.

“Dili mahimo ang gusto mong mahitabo,” giingnan ko si Edward.

“Ngano man? Nahigugma ka man kaha nako?”

“Nahigugma ko nimo. Pero dili lang una nato ni buhaton karon.”

“Ngano man lagi.”

“Mahadlok ko. Ug tingali usab og masakpan ta nilang tatay ug nanay. Na, unsaon na lang!”

Maayo kay mituo si Edward sa akong gisulti ug wala na siya magdaghan og kutikuti. Pero nasayod kun nahinugon siyang wala na usab mahinayon ang iyang plano.

“Kanus-a man gyud ta mag-ana?” Gidakoldakol niya sa akong palad ang iyang tudlo.

“Dili lang ta mag-schedule kun kanus-a,” giingnan ko siya. “Maayo nang unexpected kay thrilling okey?”

Gikalot ni Edward ang iyang ulo. Wala siya motubay sa akong gisulti.

“Lakaw na,” matud ko pagkilab sa pipila ka gutlo. Tingali’g makamatikod sila si nanay ug tatay nimo.”

“Sige,” niya pa. “Pero moanhi ko sa inyo ugma, ha!” “Ngano man?”

“Sukad ta nagkauyab wala na ko makaanhi sa inyo tingali’g mahibulong ang imong mga ginikanan. Sa una, magkanunayan ra ba ko dinhi.” -- Sumpayan pa