Jezebel

“Nganong wala ka man moadto sa Baybayon Beach, Jezebel?” Natagbaw ko’g paabot nimo.” Gisukmatan ko ni Edward. “I’m sorry, Edward. May bisita man gud mi kaganina. Wala’y makaabag ni Nanay.”

“Ah, mao ba. Nakasabot ko.”

“Lakaw pauli na,” giingnan ko siya. “Masakpan gani ta nilang tatay ug nanay nga nia ka sulod sa akong kuwarto tingali’g malintian  tang duha.”

“Wa ka ba diay mingawa nako?” Gipangutana ko niya.

“Gimingaw man. Pero naa ra man na nato kun magpadala ta sa tama. Managsilingan ra bitaw ta. Kanunay pa gyud tang magkita sa eskuylahan. Unsa pa man diay imong gusto? Wala lagi laing manag-iya nako gawas nimo.”

Kalit lang kong gihilam-osan sa mainiton niyang mga halok.

Si Edward walay kalainan sa usa ka sunoy nga mikupog kanako. Giukoban niya’g maayo ang akong mga ngabil ug nabatyagan ko ang kainit sa iyang mga halok nga nagdala og talagsaong kainit. Walay puas ang iyang paghalok kanako samtang iya kong gihinay sa pagpahigda sa akong kama. Wala ko motutol sa iyang gihimo.

Mipatong si Edward kanako. Ang iyang paghalok miaginod gikan sa akong ngabil ngadto sa akong liog ug dughan. Kiat na usab kaayo ang iyang mga kamot nga abtik kaayong nakatangtang sa gisul-ob kong blouse ug gipanghiram ang mga sensitibong parte sa akong lawas. - Sumpayan pa