Isla Paraiso

Nakita ni Rey nga naabli ang pultahan sa walang kilid sa awto. Unya migawas ang maanyag kaayong babaye nga midalit gilayon og usa ka mahigalaon nga pahiyom ngadto kang Rey.

“Puwede ko ba ikaw’ng dapiton og panihapon? Nagkanayon si Danica, ang maanyag nga anak ni Capt. Benale, nga miduol sa gitindogan ni Rey.

“S-sure,” mao ray natubag ni Rey nga ingon sa nakalitan.

Ug nanakay sila sa awto ni Danica. Paingon sila sa downtown. Samtang nagdagan ang sakyanan, mao ray ilang nahimo ang pagpasiklapay sa usa’g-usa.

“Hoy,” gisiko siya ni Danica sa dihang hapit na sila molabang sa dalan Colon. “Tingog sab diha, uy.” “M-may gihunahuna lang ko,” mubong tubag ni Rey.

“Unsa bay gihunahuna mo nga seryoso man kaayo kanang imong nawong?” Pakisayod ni Danica.

“Basta, masayod ka ra unya. Ikaw ang una kong tug-anan niini inig-abot sa tukmang panahon,” may pasumbingay ang sinultihan ni Rey.

Si Danica igo lang mipahiyom nga mipasiklap kang Rey didto sa salamin. -- Kataposan