Nagsalimuang

Power DJ  Inday Misyel,

Ang akong bana sa bag-o pa kami’ng kasal buotan kaayo, tanan nako nga panginahanglan iyang ihatag nako. We already have two kids. But since nga na-disgrasya ug wala na makabalik ang akong bana sa trabaho, magsige na lang kini og hinuktok, nakat-on na usab siya pag-inom. Then, mahadlok na ako kay nausab na siya ug kanunay nalang magsiga ang iyang mata, buang na siya tan-awon. Usahay kay mokatawa lang pagkalit. Sa panahon nga kami ra sa among kama, lahi na usab ang iyang dinal-an, sama sa iro ang iyang pakig-hilawas nako.. dunay usa ka higayon nga iya nako pasakitan ug palabian sa sex. Kapuyan na kaayo ko kay mora’g wala siya’y kalooy nako. Usahay, mobiyahe nalang kami sa mga bata bisan gabii aron lang nga tulog na siya sa among pagbalik. - Alma.

* * *

Power Alma,

Una nimong buhaton, pahibaw-a ang iyang mga relatives or parents sa iyang kahimtang aron mapangitaan og sulbad ang problema sama sa pagpa-check up sa psychiatric kay dako ang kalabotan niini ang depression hinungdan sa pagkawala sa iyang trabaho or duna bay nakapalibog sa iyang hunahuna. Ang depression makapausab sa behavior sa tawo. Labing maayo g’yud nga modangop og psychiatric doctor Alma.

Sa inyong situation apektado ang tanan, ang poste nga gakupot sa inyong pamilya nahimo’ng huyang mao nga angay kini nga tagdon dayon. Ikaw ang una niya’ng dangpanan, busa buhata ang tanan nga maoy makabalik sa inyong kalinaw ug kaharohay sa pagpuyo. Basin baya og kamo nakalimot na sa GOD. Balik og sangpit Dios sa kinasing-kasing nga pangamuyo. – DJ IndayMisyel

(FB: Inday Misyel Ganahan kay ko Nimo or 09995894692)