Ang guwapa nga mangtas

Gabii na ug inig abot gani niining mga taknaa mao dayo’y madungog ni Elmo ang agik-ik ni Soledad. Kini si Soledad bugtong anak  dalaga ni Henyo-Abelina. Wala na magtungha si Soledad kay migraduwar na man siya sa kurso niyang gikuha.

Ug dinhi sa balangay sa San Mateo si Soledad ang labing matahom sa tanang mga dalaga. Ug tungod niini daghan ang naibog sa dalaga. Tanan gyud nga naninguha niya magtaghoytaghoy dayon inig kanaog sa ilang balay sa higayon nga sugton sa dalaga kaha gibati’g kalipay kay naka-uyab og guwapa.

Naa sila si Tiboy, Dario, Korak, Insiong, Amang, Coroy, Daryok, Asiong, Tatong, Medyong, Hulyo, Gabino ug uban pa. Silang tanan nahimong hinigugma ni Soledad.

Ug pagkahibawo ni Pilong nga duna untay kaibog kang Soledad ingon sa miatras siya. Haskang buanga, puwerte gyu’y buangang bayhana, bay Itok. Way masipyat basta manguyab ka ni Soledad.”

“Discourage ko, Bay, uy, mao nay babaye nga daghan og nawong,” ni Pilong pa. “Ibog unta ko niya, apan, mahimo na, nga kaming tanan iya na lang sugton.”

Unya usa ka gabii maoy nakita ni Pilong ang tanang mga lalaki nga nagsunod kang Soledad sa pagpanglakaw ug si Soledad maoy nag-una kanila.  Ug mitungas sila sa bungtod. Gisundan kini sa hilom ni Pilong.

Tuod, pag-abot nila sa bungtod, miagik-ik si Soledad, usa ka agik-ik nga mora’g nagdala’g pagana sa mga lalaki. Ug maoy nasugat sa panan-aw ni Pilong nga nangahimong iro ang tanang mga lalaki nga uyab ni Soledad ug si Soledad maoy wala mahimong iro.

Kamong tanan ako nang mga sakop, ungo na kamong tanan kay nakatilaw kamo sa akong laway, he, he, he.!

Ug dihadiha nahimong usa ka puting iro si Soledad ug milakaw kini paingon sa nahimutangan ni Pilong. Pagkakita ni Pilong nga siya ang girumbo ni Soledad nga usa na ka irong puti, misutoy siya’g dagan apan gisundan. Tabanggg!! mo mga silingan! tabang mooo...kay gilutos kong Soledad!! daghan kaayo sila nga mga mangtas... nahimo nang mga iro! Haa...tabang tawonnn moo, uyy!” Apan duol na si Soledad kang Pilong. (Kataposan)