Bangkarota ang tindahan ni Asyang
Para nga may capital kon puhonan ta Isyot maypang mo-loan ta sa lending sa lungsod aron may sideline ta kun kaabag-abag na lang sa inadlaw tang galastohan sa balay,” sugyot ni Asyang ngadto sa iyang bana usa ka Domingo niana.
“Ikaw gud ang mag-igo ayoha lang unya pagbayad ang lending matag semana,” tubag ni Isyot.
“Panday si Isyot maylag naay pandayonon usab nga balay kun wala gani bakante siya. Wala sila’y anak kay us-os kuno’g matris si Asyang.
Pilay estorya naka-loan jud si Asyang. Nagsugod dayon siya og sari-sari store diin ang tinda naglakip sa manteka, sabon, vetsin, kape, lamas ilimnon ug uban pa. Pagkaugma, diha si Lukring sa tindahan ni Asyang.
“Pautanga ko Asyang og sabon ug manteka apilan lang sab nako og lamas para sa tinuwa. Sabado puhon bayran tika kay suweldo man ni Isko,” speaking pa ni Lukring.
“Siguroha tawon og bayad ha kay lending ra ba ni,” pahimangno ni Asyang nga dala’g kusmod ang nawong.
Usa ka hapon diha si Beloy sa tindahan ni Asyang. “Ako rong birthday moutang ko’g ilimnon tulo ka lapad kay maikog ko nga wala’y ikadalit sa akong mga kumpare. Bayran ko ni ugma kay magpadala man akong anak nga nagtrabaho sa Cebu,” amoral ni Beloy.
“Siguroha tawon ha paabot ko sa bayad ugma,” sulti ni Asyang.
Ingon niadto ang dagan sa tindahan ni Asyang. Kasagaran pulos utang. Dili motultol sa pagbayad ang nakautang.
Naglisod na siya’g bayad sa lending matag semana. “Maypag sirhan ko ni ang tindahan Isyot. Pulos utang ug panilngon mangasuko ang nakautang kay siguroon nila’g palit ang bugas hilasbi malunosan sila,” nakahukom na si Asyang.
“Maypag mag-uma ug mamuhi og kahayopan wala pay utang ug away!” temang ni Isyot. (Katapusan)
- Latest
