Dili na mobarug

Power Inday Misyel,

Naproblema ko bahin sa akong bana. Dili ko ma-satisfied kaniya kay tagsa na lang mubarog ang iya. Nagsugod kini diha nga mitaas ang iyang blood sugar ug diabetic na siya. Migamit siya og tambal pampa-isog ug tuod misaler apan naapektohan ang iyang kasing-kasing. I’m still 29 years old ug siya 31. Wala pa kami anak. Unsay imong ika-advice kanamo kay dili ko gusto nga kini maoy makaingon sa among panagbuwag. Isip asawa, nangandoy g’yud ko nga malipay ug makabaton kami og anak.- Honey

Power Honey,

Ayaw g’yud pagpakasala sa laing lalaki ug padayon sa pag-ampo ug mahala ang imong bana bisan pa man sa iyang pagkuwang nganha kanimo kabahin sa marital obligation. Base sa pagtuon sa science, ang tawo nga adunay diabetes may posibilidad nga maka-complicate kini sa ubang parte sa iyang lawas kay dili na man maka- circulate pag-ayo sa iyang lawas ang dugo. Kun apektado na ang atong circulatory system, hayan abnormal na ang atong panglawas, ang atong kaugatan barado na! Mao na nga dunay maputlan og tiil, dili na mobarug ang poste ni mister, wala nay gana sa sex, apektado ang heart, taas ang sugar ug ang mga organ sa lawas apektado na.   Ipakonsulta siya sa doctor. If wala gihapo’y alibyo, maayo pa suwayan usab ninyo ang mga natural supplements nga puno sa nitro oxide. Ang nitro oxide mao kini ang makapabuka sa mga ugat aron mo-normal ang circulation sa dugo. Dako ‘sab ang matabang niini sa brain cells ug maka-repair and maintain sa maayo’ng panglawas. Bisan kadtong na-stroke, adunay migraine ug uban nga sakit makatabang ang mga supplements nga may nitro oxide- Inday Misyel (FB: IndayMisyel Ganahan kay ko nimo)