Magselos

Dear Tita Salie,

Have a wonderful day. And I hope that you are always in good health. By the way, just call me Ms. Love, and my problem is about my love.

Duna ko’y duha ka classmates nga sila si Mr. Pimples ug si Mr. Daku Matz. Pareho nako silang love, Tita apan kini si Mr. Pimples dunay laing uyab nga amo ra usab nga classmate. Magselos gyod ko kun sungogon silang duha sa mga kauban.

Kini si Mr. Daku Matz, love pod kaayo ko niya ug super love pud nako siya. Ganahan kaayo ko kun sungogon na mi sa akong mga classmate. Pero kun si Mr. Pimple na gani ang isungog ngadto sa iyang uyab maglagot ko. Pareho nako silang love, Tita Salie. Nganong ingon man ko niini? Palihog pasabta ko. Thank you very much and more power to your column.

* * *

A pleasant day Ms Love,

Miagi usab ako sa inyong sitwasyon karon panahon sa akong kabatan-on. Anaa pa ang sungogsungog sa mga kaeskuyla o mga classmate, anaa pa ang kilig kun atong makit-an o makauban ang atong crush, anaa  ang selos ug kalagot kun akong siyang makit-an nga dunay laing kauban.

Tinuod makaingon ta nga molabay ra kining panahona. Apan bisan kun molabay ra kini pero dako kini og epekto sa atong pagkatawo labina kondili nato ma-correct o ma address ang mga issues sa atong kabatan-on.

Kinahanglan nga makamao kang modawat og kapildehan kun maantigo kang modawat og kadaogan. Malipay ka kun isungog sa imong crush hunahunaa usab nga ang imong crush puyde usab nga ma-crush sa lain kay normal ra kini. Ug ang uban nimong classmate isugsog usab sa imong naibgan. So, anaa na may imoha ihatag na usab sa uban ang usa ug ayaw angkona ang tanan. - (Tita Salie)