Latagaw og utok
Bag-o pang pasar sa bar exams si Atty. Dino Tanibaw. Wa pa siya’y sakyanan. Di man adunahan ang iyang mga ginikanan. Naikag lang siya’g kuha’g abogasya kay nagalgal sa iyang amo nga abogado.
Nahimo na karon siyang associate ni Atty. Peter Wanibak kinsa gialagaran niya isip clerk/typist/researcher sulod sa napulo ka tuig. Mag-commute lang siya padulong sa bupete.
Karong buntaga, pagsakay niya’g dyip depasaheroan, nakalingkod siya atbang sa batan-ong lalaki nga naggunit og usa ka law book. Nakapahiyom siya sa kasakay. Ug wa siya kapugong nga makighinabi niini. “Law student ka?†ni Dino. “O, sir†sa batan-on. “Buntag pa man ron. Adto na diay ka’s eskuylahan?†ni Dino. (Gabii man kasagaran ang klase sa abogasya). “Self-supporting man ko, sir. Nagtrabaho ma adlaw. Busa, magdada lang ko’g libro. Kun may higayon makabasa, pahimudsan dayon†sa batan-on. “Pareho ta’g kaagi†ni Dino.
Kaniadto ginganlan gani si Dino nga “hambogero†sa iyang mga higala ug paryente. Kay magsigi’g daladala og libro. Bisa’g asa siya sugoa sa iyang amo, mag-file og papeles sa husgado, o magdeposito o widro og kuwarta sa banko, kawatkawat og basa sa pila lang ka gutlo.
Wa pa ka nganlig hambogero sa imong mga kaila?†ni Dino. “Wa man hinoon, sir†sa batan-on. “Ako ginganlan, sa akong mga klasmet sa elementarya ug hayskul. Kay ngano konong mangambisyon kong mag-abogado nga 78 ra may akong pinakadakong average. Magsige kuno ko’g gunit og libro. Pahambog†ni Dino. “Wa may dautan sa mangandoy og kaayohan†sa batan-on. “Giingnan ko sila nga namasin lang ko nga motuhop ang unod sa libro sa akong kamot ug mosubay sa bukton ngadto sa akong utok†ni Dino. Nakatawa ang batan-on. Hasta sab ang mga pasahero sa ilang duol nga nakadungog nila.
“Abogado na diay ka, sir?†sa batan-on. “Kalooy sa Diyos. Kun wa pay ambisyon ang tawo, latagaw man og utok. Pagtungha nako’g abogasya, focus na man gyud ug concentrate sa pagtoon. Maong pagkakita nako nimo, nahinumdum ko’s akong kaagi†ni Dino.
Unya nakapasiklap siya’s gawas. Niabot na diay siya sa jeepney stop duol sa opisina. “Lugar lang bay†ni Dino. “Good luck sa imong pagtoon†ni Dino pagdayong kanaug huma’g plete. “Thank you, sir†sa batan-on. Nagpahiyomay sila. (Kataposan)
- Latest
