Early kaayo

Dear Tita Salie,

Maayong adlaw. Tagoa lang ko sa ngalan nga Garry, minyo ug nagproblema ko sa akong kaugalingon.

Maluoy man god ko sa akong misis every time mag-contact mi tungod kay ako gyod nga makita sa iyang panagway nga ingon sa naglagot siya.

Ania nako ang problema tungod kay early kaayo ko nga mag-ejaculate. Bag-ohay lang gani nako nga gipasud magsiritsirit na dayon ug modiretso na og kahuman. Mao nga kanunay nga mabitin ang akong asawa.

Duna bay tambal, Tita, alang kanako aron dili ko dayon mosurender ug mag-enjoy gyod mi sa among sexual life? Palihog pasabta ko. Daghang salamat sa imong pagtagad ning akong suliran.

* * *

Maayong adlaw usab kanimo Garry,

 Daghan gyod sa atong kalalakihan ang may susama kanimo og problema. Wala ka mag-inusara sa maong kahimtang.

Imong suwayan nga kanunayon ang imong pagpakighilawas sa imong kapikas aron maanad ka, ug makakita ka og mga diskarte aron imong magamit sa imong problema. Tungod kay kun panagsa ka lang mogamit ni Misis, anaa kanunay ang imong kahigwaos ug ka-excited mao nga dali ra kaayo kang gawasan kay mag-una man kanunay ang imong hunahuna.

Kinahanglan usab nga imong tas-on ang inyong palamilami sa dili pa nimo sudlon ang iyang gingharian. Imong dugayon ang inyong foreplay ug imong gamiton ang imong mga kahimanan sa paglipay sa imong asawa. Paningkamoti nga matagbaw na siya sa inyong gibuhat bisan wala pa nimo buhata ang pinaka lamian nga putahe.

Dapat gyod nga kahibawo ka sa iyang gana asa na siyang dapita. Dapat imong kontrolon ang inyong panagtigi aron segurado ka nga natagbaw gyod ang imong misis.

Mas maayo kun duna kay pagtuon nga buhaton. Imong tun-an kun hain ang patyanan sa imong asawa ug mao kini ang atimana aron matagbaw siya. -- Tita Salie