Si Inday selosa
Ang selos magdala og pangigi, pagduda ug wala’y hunong nga pangunot sa agtang ug pangyamiid sa binuhat nga giputos og selos. Iyang dughan wala’y hunong sa pagkulba, magbutokbutok, iyang kabalisa manggimok.
Ang selos, mahimong sinugdanan sa kapungot, bagutbot, ug mga kamot nga mangumot, imong buhok mahurot ug kalarot, imong nawong mug-ot, imong mata magpitok-pitok.
Si Dodong namulong, “Ayaw kabalaka day, ikaw ra gayud ang akoa.â€
“Bakakon! Kadali gud nimong nakatutok og lain. Pinanganga ka pa sa imong baba!†ni Inday nga nagpaminti sa kapungot human makamatikod ni Dodong nga pwerting nakatutok sa pinalabyog nga linaktan sa babayeng nagsul-ob og pinapiit nga pantalon dili layo sa ilang nahimutangan.
“Ako lang gitan-aw ang tiketa sa iyang karsones. Mura man gud og dili orig, dili nako mabasa. Maayo lang sa hulma apan kulang sa porma,†ni Dodong nga naghalhal. Wala mahimutang. (Katapusan)
- Latest
