Na in-love og pari - Gula 7
Naglamanohay sila si Sheena ug Jhonnel nga kaluha ni Fr. Jonas. Milingkod si Jhonnel sa lingkoranan atbang ni Sheena. Nasabot g’yud sa dalaga nga hilumon nga pagkatawo ang kaluha sa pari.
Pareho sila’ng duha nga hilom kaayo. Gitutokan ni Sheena si Jhonnel ug susama g’yud tinuod sila og panagway ug ang pari. “Brod, buotan kaayo kini si Sheena ug tan-aw nako pareson kaayo kamo kun magkasabot lang,†gikomedyahan sa pari ang iyang kaluha.
Miduko si Jhonnel nga mipahiyom og daw hilaw. “Guwapa bitaw siya Brod pero sigurado ko nga aduna na’y nakaangkon sa iyang kasing-kasing,†ni Jhonnel pa nga hinay kaayo’g sinultihan.
“Wala pa’y alas siete sa gabii Sheen, kun wala ka’y lakaw, maayo’ng manuroy usa mo si Jhonnel,†sugyot ni Fr. Jonas. Tuod, nakigpanuroy si Jhonnel kang Sheena ug dali ra kaayo sila nagkasuod.
Gaan kaayo ang pagtagad ni Sheena kang Jhonnel kay iyang giisip nga susama ra nga nakig-uban siya sa crush niya nga pari. Kadto ang sinugdanan sa ilang panagsuod.
Gitabangan ni Fr. Jonas ang iyang kaluha nga makapanguyab ni Sheen ug wala siya mosipyat kay nagkarelasyon gayud si Sheena ug si Jhonnel. Tinuod gayud ang giingon sa pari nga buotan ang iyang kaluha. Malipayon sila si Sheena ug Jhonnel sa ilang relasyon. Paglabay sa mga buwan sa malipayon nila nga relasyon ni Sheena ug Jhonnel, nakurat na lang ang dalaga.
“Mao kana ang ihangyo nako nimo Sheen, magminyo na lang ta,†matud sa kaluha sa pari. Nakalitan si Sheen. Paglabay sa mga adlaw, natimbang-timbang ni Sheen nga husto na usab siya nga magminyo ngadto sa buotan niya’ng boyfriend.
Miabot ang adlaw sa ilang kasal. Si Fr. Jonas maoy nagkasal kanila. Samtang nagpadayon ang seremonyas sa kasal, nahandom ni Sheena kadto’ng una nga higayon nga gikakita niya si Fr. Jonas ug gipitik dayon sa iyang dabong pa nga kasing-kasing.
Gilingi ni Sheena ang iyang pamanhonon nga si Jhonnel. Gidalitan niya kini og usa ka tam-is kaayo nga pahiyom samtang nagsud-ong kanila si Fr. Jonas nga madasigon usab kaayo ang panagway.
Wala gayud magmahay si Sheena nga didto siya mahipunta sa kaluha sa pari tungod kay walay kalainan ang ilang panagway. Sa unang gabii sa ilang kasal. “Swerte kaayo ko Sheen nga nakapangasawa og usa ka matahom ug buotan kaayo’ng babaye,†hagawhaw ni Jhonnel kang Sheena.
Gisugdan dayon nila ang pagparayganay samtang nagtupad sila sa mahunol-hunol nga higdaanan. (Kataposan)
- Latest
