Pitopito
Si Noy Conrado may pagkasintosinto. Tiguwang na. Apan bata gihapon og panglihok ug panghunahuna. Magsige og bulhot sa iyang pito nga plastic. Mora man gihapo’g pito nga tinuod ang tingog. Sama sa pito sa pulis o traffic enforcer sa karsada. Sayong buntag magbahasbahas na siya sa dalang Escario aron magsige’g pito.
Iyang pitohan ang mga sakyanang mangagi. Ang mga tawong maglakaw. Ang mga tawong mag-jogging. Wa may makabadlong niya. Kay sitenta na iyang edad. Dagsa ra man siya sa sityo Bahuday.
Ang iyang mga kauban sa barungbarong nga mga basurero, namiya na. Ug namalhin og laing kapuy-an. Siya na lang usa sa barungbarong. Ug mabuhi lang siya sa mga hataghatag sa mga silingang malooy niya. Mangukay sab siya’g mga basura para sa mga materyales nga ikabaligya nga ma-recycle. Ingon niini ang inadlaw nga kalihokan ni Noy Conrado.
Unya usa ka kaadlawon, Domingo, daghang nag-fun run subay sa dalan Escario. Nagsige og pito si Noy Conrado sa daplin sa tulay sa habig sa kasadpan. Dunay lalaki niurong atubangan ni Noy Conrado. Gisigihan niya’g pito.
“Kinsay ngan nimo Noy?†sa lalaki nga di mominus sa 30 anyos. Wa nitubag ang tiguwang. Nagsige gihapo’g pito. Gianggaan na gud siya’g pitopito sa mga tawo.
“Ay na’g hilabti tiguwanga! Pasagdahi na†matud sa babaye nikablit sa likod sa lalaki.
“Ay sa kadiyot. Duna man goy similarity si manoy sa akong kauban sa trabaho. Freight Clerk sa Bogdoto Forwarders. Naghisgot siya nako nga iyang amahan pulis. Unya, sa gamay pa siya, kun papaulion siya gikang nagduwa, pitohan siya’s iyang amahan. Nahanaw iyang amahan sa pag-flash flood sa Ormoc. Ang nakit-an na lang, ang patrol car iyang gidrayban nga nalimbuwad. Missing iyang amahan hangtud karon†sa lalaki. Niurong ang babaye.
“Noy, ako si Patrick. Ikaw si Noy Conrado, no?†niya pa. Niyango si Noy Conrado.
“Akong misis, si Dahlia†ni Patrick nga nitudlo ngadto sa babaye sa iyang wala.
May kahibulong ang mga mata ni Noy Conrado. “Kaila ko’s imong anak. Nangita si Cesar nimo?†ni Patrick.
“Cesar? Cesar?†ni Noy Conrado. Prrrt! Prrt! Prrrt! Prrr!. Gibiyaan na lang nila ang tiguwang. Kay may kadaut na gyud sa pangisip. Apan nakighinabi si Patrick sa mga tanod mahitungod sa tiguwang. Gitudloan siya kun hain ang barung-barong sa tiguwang. Ni-teks dayon si Patrick ngadtong Cesar.
“Basin pa magkahimamat ang amaha’g anak karong Pasko,†ni Patrick nga mapahiyumon ngadto’s iyang kapikas. Ug nipadayon sila’s ilang pagdagan. (Katapusan)
- Latest
