Milagro sa yuta
Sa mga adlaw’ng Sabado ug Domingo, ug ubang holiday, way laing lingaw si Romy. Kanunay nga giatiman niya ang iyang hardin luyo sa ilang balay, daplin sa sapa sa baryo Luyang.
Lunes ngadto sa Biyernes ra man iyang trabaho isip diyanitor sa munisipyo sa Carmen.
Iyang kapikas, nagkalingaw og paninda sa sarisari nga tindahan niya dikit sa ilang balay. Dugay nang pangandoy ni Romy nga makapananom og mga lamas ug utanon. Nalipay siya nga gihimong enkargado sa yuta sa iyang silingan nga tua sa abroad. Naa sa daplin sa sapa ang luna. Ug gitugtan siyang mananom og lamas, utanon ug lagutmon.
Kay bag-o pa silang minyo ni Mira, ug wa pa sila’y anak, ang hardin maoy gikalingawan ni Romy. Di siya pul-an magsud-ong sa iyang mga tanom nga nagsugod na’g buswak ang mga dahon sa tamatis, sibuyas, ahos, luy-a ug uban pa. Karong buntaga kay Biyernes Santo, nia na sab si Romy sa iyang hardin. Naglibutlibut.
Hapit na magselos si Mira sa mga tanom ni Romy.
“Mora ma’g mas taas ka pa’g panahon sa imong hardin kay kanako!†ni Mira usa ka hapon nga niapas siya sa bana.
Mapahiyumong niagbay si Romy sa kapikas.
“Ugma damlag, makatabang ra nato kining mga tanom nga milagro sa yuta†ni Romy.
“Dakong milagro gyud†ni Mira. “Kay sukad nga duna na kay hardin, wa ka na man niadto’g buwangan ug videokehan†dugang sa kapikas.
“Wa tay mapaabot sa maong bisyo. Apan kining bisyo sa pananom, duna kay anihon†ni Romy. Nag-agbayay gihapon ang kapikas nga nagtudlo sa mga buwak sa mga talong sa hardin. (Katapusan)
- Latest
