Na in-love og pari
Pag-abot ni Sheena sa mall, didto na ang boyfriend niya nga si Elmer. Nabasa dayon ni Sheena sa panagway ni Elmer nga nasuko kini tungod sa pagkalangan niya’g abot.
“Dugaya nimo uy! Wala ka na g’yuy respeto pa sa atong sabot. Dili ka pa g’yud makontak sa imong selpon diha’ng gitawag tika,†matud ni Elmer sa tonada nga manghod na lang sa singka.
Gipasabot ni Sheena si Elmer nga mihapit usa siya pagsimba apan wala maminaw kaniya ang iyang boyfriend. “Mao g’yud ka. Karon pa gani kita nagkauli gitinontohan na ‘sab ko nimo,†matud ni Elmer.
Natandog usab ang garbo ni Sheena sa bug-at nga pagtagad ni Elmer kaniya. “Sigi, dili na lang ta manuroy Mer. Suroy na lang og imo kay mopauli na ko,†iyang giingnan ang masuk-anong boyfriend dayon misirit siya paglakaw.
Nabug-os na g’yud ang huna-huna ni Sheena nga buwagan na lang si Elmer. Bati kaayo’g batasan ang iyang boyfriend mao nga dili siya mahinugon sa pakigbuwag kaniya. Nagkalingaw og suroy-suroy si Sheena sa mall.
Hapit na ang alas utso sa gabii diha’ng gibati og kagutom si Sheena. Misulod siya sa usa ka kan-anan. Wala tuyoa nga nakit-an ni Sheena ang pari nga si Fr. Jonas nga nag-inusara nga naglingkod sa lamesa dili layo sa iyang gilingkoran.
Nagkatinutokay sila’ng duha si Sheena ug Fr. Jonas. Nakapahiyom og hilaw si Sheena dihang nagkaabot ang ilang mga tinan-awan. Wala makasiguro si Sheena kun nakahinumdom ba si Fr. Jonas kaniya nga usa sa iyang gipapangalawat kaganina.
Samtang nagpaabot si Sheena sa giorder niya nga pagkaon, mitindog siya aron pag-adto sa CR apan nakahukom siya nga hapiton ug timbayahon ang pari. “Good evening Fr. Jonas,†matud ni Sheena.
“Uy, nakaila ka lagi kanako?†matud sa pari nga nagpahiyom dayon mitunol sa iyang kamot. Gitug-anan ni Sheena ang pari nga misimba siya kaganina ug atol nga si Fr. Jonas maoy nagmisa.
Miyango-yango ang pari nga ingon sa adunay gihuna-huna. “Tuod, nahinumdom na ko, ikaw kadto’ng nangalawat kaganina. Kinsa ang imong kauban?†pangutana sa pari. Human masayod ang pari nga walay kauban si Sheena, gitanyagan niya kini nga mag-usa lang sila og lamesa.
Mipadayon si Sheena paingon sa CR. Sa iyang pagbalik, mitindog ang pari. “Ubanan ko na lang ikaw paglingkod sa imo’ng lamesa kun dili nimo lainon pagsabot,†sa pari pa. “You’re welcome Fr. Jonas,†ni Sheena pa. (Sumpayan)
- Latest
