Isla Paraiso

Ang grupo ni Rey wala magpabentaha. Mibalos sila sa pagpabuto. Midasdas sila sa banko. Sa duha ka pagpabuto usa ka tulisan ang dihadiha napugnit sa mga bala sa iyang Uzi.

Ang mga tulisan nag-iyahay’g pasalipod. Niining higayona, nakasulod na ang ubang mga polis sa banko. May pipila nga nagpabilin sa gawas, nagbantay kun adunay tulisan nga maka-ipsot. Nahitabo ang lamok-lamok sulod sa banko. Ang mga tulisan ug ang kapolisan nagsinukliay sa mga bala. Gigamhan sila sa tumang kalisang.

Pagkilab sa pipila ka gutlo ang bantay sa mga tulisan sa gawas sa banko napatay sa mga tinugyanan sa balaud.

Ang mga tulisan nga didto sa sulod sa banko nga wala pa mahuman og panghipos sa mga salapi, nakugang pagkabati sa mga buto didto sa gawas. Dihadiha nangandam sila. Sangkap usab sila sa mga tag-as ug kalibre nga mga armas. i SPO3 Rey Corpuz maoy unang misulod sa banko. Dihadiha girakrakan gilayon sila sa mga tulisan. Apan abtik si Rey. Nakalikay siya sa nagpungasing mga bala sa tumang kamaabtikon sa mga lihok.

Ug mibalos siya sa daklit, daghan na sa mga tulisan ang nakabsan sa kinabuhi. Si Rey ang agresibo kaayo nga nakigsangka kanila. Wala siya kukalisang nga nakigsangka sa mga kaaway. -- Sumpayan pa