Ang bayot ug tomboy - Gula 4 Milabay
Milabay ang mga adlaw. Ingon sa nakaamgo na gyud si Lovena sa dakong sayop nga iyang nahimo. Gitudloan niya ang iyang kaugalingon nga dili na magumon sa kinabuhi nga bakla. Nahukman na gyud niya nga talikdan ang kinabuhi sa usa ka babaye diha sa lawas sa usa ka lalaki.
Usa ka higayon, gibisitahan ni Lovena ang higala niya nga si Mayet didto sa iyang gipuy-an. Gituyo ni Lovena sa pagpadako ang iyang tingog. “Mayet, good morning! Si Macky ni,†matud ni Lovena nga daw naglinaki na og tingog. Pag-abli ni Mayet sa pultahan nakurat ang higala sa kanhi bakla nga nakakita niini nga nagsul-ob na og karsones-maong nga giparesan og T-shirt.
“Hala ka, sus kanimo Lovena, wala na gyud ko makaila nimo,†matud ni Mayet nga nagpahiyom. “Please, Macky na ang itawag kanako Mayet. Gikalimtan ko na ang akong pagka- Lovena ug ikaw ang naghagit kanako nga dili na magpaulipon sa pagbati sa usa ka babaye,†matud ni Macky.
Nahinangop kaayo si Mayet nga nakakita sa iyang amiga nga kaniadto bakla. Hinuon, adunay mga higayon nga molubad panagsa ang tingog ni Macky nga mora’g mabayot usahay. Apan nasabtan ni Mayet nga gipaningkamotan gayud ni Macky nga hingpit siya nga mausab. May gisaysay si Mayet kang Macky. “Maayo ka pa Mack kay nakahimo ka dayon sa akong hagit kanimo nga mag-usab. Ako’ng gisuwayan apan ingon sa lisud pa nako mahimo. Gabii, buwagan na g’yud unta nako ang akong girlfriend apan dili ko makahimo,†matud ni Mayet.
“Kinahanglang dawaton mo usab ang akong hagit Mayet. Huna-hunaa nga ako nakahimo ang pag-usab sa akong pagkatawo tungod sa imong hagit nga magpaka-lalaki ko. Karon, hagiton ko usab ikaw nga pagpaka-babaye na Mayet,†matud ni Macky. Gitutokan ni Mayet ang higala nga sa tan-aw niya wala magkomedya. “Maanyag ka Mayet ug anugon kaayo nga usikan mo lang kini sa pagka- tomboy,†dugang ni Macky nga nakapasamot og hinuktok ni Mayet.
“Sige, tungod nimo my friend, I’ll try my best to change my life. But, kun mahimo na ko nga hingpit nga babaye, dili ba kaha ko bugal-bugalan lang sa mga lalaki kay nasayod man sila nga nakig-relasyon ko og babaye?†ni Mayet.
“Ayaw na kana paghuna-hunaa Mayet, susama ang atong kahimtang. Ang imong pangutana sa kaugalingon, mitumaw usab sa akong huna-huna apan nag-ampo ako sa Ginoo nga ikahibalag pa nako ang babaye nga para gayud kanako,†matud ni Macky nga daw tinuod na gayud nga lalaki. (Sumpayan)
- Latest
