Minyo ug dunay anak

Dear Tita Salie,

Have a nice day. Tagoa lang ko sa angga nga Rhocaps, ulitawo ug dunay trabaho ug duna poy uyab nga maoy hinungdan sa akong pagdangop kanimo karon.

Kining akong gikarelasyon kauban ra nako sa trabaho. Minyo siya, Tita Salie, ug dunay anak apan seven years na nga bulag sa iyang bana.

Ang akong problema kay mabdos man siya karon ug ako ang amahan sa bata. Gusto unta namo nga magminyo apan kasado man siya sa iyang unang bana. Maluoy mi sa bata kay mahimo man siyang eligitimate, Tita Salie.

Unsa may maayo namong buhaton? Palihog pasabta ko ug sultihi ko sa angay nakong buhaton. Thank you so much and more power to your column.

* * *

Hello! Wala gyud moy mahimo niini tungod kay dili pa man gyud mo puyde nga magminyo kay duna may bana ang imong uyab. Maghulat gyud mo nga mamahimo na nga gawasnon ang imong hinigugma aron puyde na nimo siyang pakaslan.  Puyde  man ang imong uyab nga mo-file og annulment sa iyang bana kun ugaling gusto gyud siya kay wala na gyo’y paglaom nga magkabalik sila.

Lahi gyud ang pagpuyo kun kamo legal gyud nga minyo aron wala nay daghang butang huna-hunaon ug problemahon. -- Tita Salie