Dear Tita Salie,
Have a nice day. Just call me Ms. Aries, usa ka estudyante. Kanunay gyod ko mobasa aning imong column.
Ang problema nako mahitungod kini sa akong kaugalingon ug sa akong classmate nga akong ka M.U.
Ganahan kaayo ko niya, Tita Salie, tungod kay nakamatikod ang among mga classmate nga suod kaayo mi, ila ming gitupo-tupo. Ug kining akong ka M.U. nga tawgon lang nato og si Mr. Capricorn miingon nga “unya ra ko manguyab niya kun diri na ko puyo.â€
Nalipay kaayo ko sa hilom sa iyang gisulti. Ug nianang pagkahapon iya kong gihatagan og singsing ug kwentas isip among remembrance. Apan pagkaugma milarga siya paingon sa Manila nga wala ko makasulti sa akong feelings.
Unsa may akong buhaton, Tita, nga love ra ba nako siya? Palihog pasabta ko. Thank you so much.
* * *
Hello!
Tingali kun dinalian ang iyang paglarga ug wala masayod ang imong amigo nga mao kadto ang petsa nga ilang ilarga ug mao kini ang hinungdan nga wala siya makahimo sa pagpananghid kanimo.
Busa wala kay laing mahimo niini kondili mao ra gyod ang pagdawat og respeto sa iyang hukom ug sa nahitabo kaninyo. But, don’t worry my dear, sa atong panahon karon dili na man lisod kanato ang pagpakigsulti sa atong pamilya ug kahigalaan tungod sa atong teknolohiya. Busa padad-i siya og mensahe matag karon ug unya pinaagi sa text, facebook o kaha imong tawagan sa selpon. Kay total amigo mo man siya busa puyde ka mangumosta kaniya isip usa ka higala.
Kini dili lihok sa pag-una-una kay babaye man ka kondili gusto lang nimo nga ma-maintain ang inyong friendship bisan layo na siya kanimo. -- Tita Salie