Nangumpisal si Dong Tibor
Sige na mangumpisal man kaha ka Dong Tibor, pulong sa pari. Unsaon ko man niini Padre nga dili man ko kapugong sa pagkahimabaye. Nakonsiyensya na kaayo ko.
Gihasol na kaayo ko sa akong tanlag.
Luoy na kaayo ko’s akong asawa,†mabasolong pamulong ni Dong Tibor, ang numero unong mangtas sa pagka tsekboy sa Junquera.
“Salamat Dong Tibor nga nakaamgo ka sa imong kabadlongon. Hala, dali sugdi na ning mosunod nga pangadyeon nimo aron mahugasan ka sa imong mga sala. Mahunong na imong kahimabaye. Makapalit ka na pud og purol, unsaon gasige ka na man lang og hatod sa imong kinitaan sa pagkakargador sa imong bisyo. Gasige ka na man lang og yampungad sa kidlapkidlap,†nataas ang maymay sa pari ngadto ni Dong Tibor.
“Pero, Padre, sabta intawon ko. Ako rang konsyensya ug tanlag akong palimpyohan. Ayaw intawon ko pahununga sa pamabaye oy. Nabawo man gani ko’g bantay sa akong suki sa kidlapkidlap,†nangatarongan si Dong Tibor.
“Ngano man?†nahibulong ang pari. “Dako na kaayo ko’g gasto Padre. Unya siya ra ba pud ang imong tiniman-an. Wala ka kahibalo magsunod ra ta. Kato bang babaye nga puwa kaayo og wait, pinayungyong ang buhok unya kusog kaayo moipis og beer sa imong baso. Kato siya. Mabahinan gani ko niya og sinsiyo kanang makuotan niya imong pita ka. Kanang mahubog naka.â€
“Apan ngano nga imo man kong gisultian?†sukmat sa pari.
“Unsaon Padre, gusto man ko nga malimpyohan ko nimo nga dili nako makonsyensya ug tulisokon sa akong tanlag matag dawat pud nako og sinsiyo nga makuot sa imong bulsa nga ipahat sa akong babaye sa kidlapkidlap,†pulong ni Dong Tibor.
“Unswaa? Hala ayaw’g lakaw kay lumsan tika’s bendita kanahana kaâ€. (Katapusan)
- Latest
