Isla Paraiso

Gula 157

“Usahay usab, Father Judas,” namulong si sister Veronica, “bias ang atong panud-ong mao nga sayop ang atong paghukom sa usa ka butang. Kaniadto, sa pagkamatay ni Jonathan, naguol ako pag-ayo. Tungod tingali kay naglisod ako pag-overcome niadto mao nga mihimo ako’g hinanaling hukom sa pagsulod sa kombento. Mora’g ang akong hunahuna natingob ra sa kasakit nga akong nasinati. Wala ko hatagi’g pagtagad ang laing aspeto sa akong kinabuhi. Bias ang akong paghukom sa akong kaugalingon.”

“Ug mahimo usab,” ni Padre Judas pa, “nga kanang giingon mong bias nga panud-ong nahitabo karon kanimo, sister Veronica. Gipalabi mo ang imong emosyon. What about the other side of life? Remember that Spiritual life is the most important of all.”

Miduko si sister Veronica. Siya na usab ang wala makatingog sa mga hunahuna nga gipadayag ni Padre Judas.

“According to the Bible,” namulong na usab si Padre Judas “you cannot serve two masters.”

“Mao kanay hinungdan nga mogawas na ako sa kombento, Padre Judas,” ni sister Veronica. “Dili ako makahalad sa tibuok kong kinabuhi ngadto sa Diyos gumikan kay gihatagan ko man usab og luna si Rey sa akong kinabuhi.”

“Dili ang paggawas sa kombento maoy makasulbad niana, sister Veronica.” -- Sumpayan pa