Iring nga bisan pan-an og tinap-anan dili sungkabon
Way kalibutan si Noring, nga nagpasalipod sa Masyong sa may haligi nga tugas sa ilang balay, nga nag-atang sa ilang iring, nga iyang gipan-an og tuyo sa bag-ong naluto nga tinap-anan.
“Miyawww ... miyawwww .... miyawwwww! nagpunay na lang hinuon sa pagmiyaw ang ilang iring nga laki, imbis sungkabon kadtong nag-aso-aso pa sa kainit ang maong tinap-anan.
“Tan-awa ug makatuo na gayod ikaw Masyong, nga kining atong iring nga laki, dili gayod sungkaban?†nadiparahan ra si Masyong, sa iyang asawa ... samtang migawas kini siya nga nagpasalipod sa may haligi. “Bitaw no? Talagsaong iringa ... kay dili sungkaban og tinap-anan!â€
Ang tinuod ... igo lang gisulayan ni Masyong, unsa katinuod sa mga tabi nga nasawod sa iyang dunggan, bahin sa iyang asawa, nga nakig-iring-iring kang Kumpare niya Goyong, samtang magbuntag siya nga mopauli gikan sa dagat, aron mamasol.
“Karon Masyong ... motuo ka pa sa mga tabi, gikan sa mga balhiboon og dila, dinhi sa atong dapit sa balangay sa Pitalo?†ni Noring pa nga hapit na lang moluhod sa atubangan sa iyang bana.
Dili ikalimod, nga sa kabag-ohay pang naminyo nila ni Masyong ug Noring, aduna nay nabalitaan si Masyong, nga mohilom diay og saka si Kumpare niya Goyong, ug kaadlawon na kini manaug?â€
Misamot ang pagduda ni Masyong, sa dihang dihay nahabilin nga brief sa may lantay nga gihigdaan ni Noring, sulod sa ilang balay.
“Dili na gayod ikaw makapamakak pa kanako Noring?†ni Masyong pa nga mapungtanon nga namulong.
Wa motingog niadtong higayona si Noring. Mibakho kini diin giumod ang iyang nawong ngadto sa may abaga ni Masyong, nga nagkabasa pa sa dagat.
“Pasayloa ... ako Masyong ... nga nakaako og budhi kanimo!†subsob kaayo ang binakhoan ni Noring.
“Miyawww ... miyawwww... miyawwww....!†nagmiyaw na sad ang ilang iring. Gikutaw ang hunahuna ni Masyong, kun ngano man tuod nga wa man sungkaba ang gipaon niyang tinap-anan sa iyang iring?
Lahi si Kumpare niya Goyong, nga mohilom og saka sa ilang pinuy-anan, nga iatol nga atua siya sa dagat? Didto pa niya maamgohi ... ang kalainan sa iyang iring kun ikomparar sa iyang Kumpare Goyong, nga kun makahigayon modayon og sungkab sa tinap-anan sa iyang asawa. (Kataposan)
- Latest
