Isla Paraiso
Usa sa mga kaubang polis ni Rey iyang gitawag. May gisulti siya ngadto niini. Milihok gilayon ang polis. Maabtikon kini nga mikatkat sa sementong koral ug mainampingon nga miambak ngadto sa sulod. Giablihan niini pagdali ang gate nga puthaw nga gikagdan na sa taya human bunali sa pul-an sa armas niini ang usa ka guwardiya nga nagdukaduka.
Pagkaabli sa pultahan, dihadiha nanulod ang armadong mga tinugyanan sa balaud. Sama sila sa mga iring nga naggimok taliwala sa mihugpa nga kangitngit. Mainampingon sila nga mipaduol sa nahimutangan sa bodega.
Kadali rang nasirkulohan sa mga tinugyanan sa balaud ang karaang bodega nga nahimutangan sa mga tulisan. Taliwala sa kangitngit nag-iyahay sila’g paniid ug paningod sa mga kasikas sa palibot. Mahari ang tumang kahilom sa tibuok palibot. Sa kamingaw sa dapit, sama sa mabati nila ang hinagtok sa ilang kasingkasing ug ang ilang gininhawa ingon sa mao ray bugtong kagahob nga madungog.
“Wala kaha masayop ang intelligence report nga atong nadawat, Sir,†Nakapangutana si Corporal Benturada kang Rey. Ang korporal wala mobulag sa iyang kiliran. “Mura mag wala’y tawo kining maong bodega.†“Maniid pa kita, Corporal,†matud ni Rey. “Basin og nangatulog na ang mga tulisan nga nagtago ning maong bodega.†-- Sumpayan pa
- Latest
