On and off relationship

Dear Tita Salie,

Have a wonderful day and to all my co-readers of pasabta ko column.

My problem that I am going to share with is about my lovelife.

Naa man gud ko’y boyfriend ug kanunay lang mi nga mag-away, Tita Salie, tungod kay dili siya masabtan. Mora ba siya og magselos pero dili man siya moangkon nga nagselos.

Tungod niini on and off ang among relation. Two years na unta ang among relasyon. Apan dihay time nga medyo dugay-dugay mi nag-uli dihang nag-away mi. Ug dunay nanguyab nako. Ug ako kining gisugot aron dili na mi magkabalik sa akong ex. Apan nagkabalik mi, Tita Salie. Ug kining bag-o lang nakong uyab dili na pud gusto nga magbulag mi.

Unsaon man ni nako nga duha na man ni sila kabuok? Palihog pasabta ko, Tita Salie, kun unsay angay kong buhaton. Magpaabot ko sa imong tubag. Thank you very much.

* * *

Good day. Dili gyud bitaw ko ganahan niining maong matang sa relasyon nga mokalit lang og kalami. Kita karon ugma dili na pud, dayon magbalik na usab ug bulag na pud. Kay daghan ta og plan nga dili madayon ug mapalpak lang tungod kay wala may kaseguroan kay every now and then mag-away man.

Kun love gyud kaayo nimo kanang imong ex. Pakigsultihi siya og maayo mahitungod sa iyang batasan. Kinahanglan niya kining usbon aron dunay nindot nga padulngan ang inyong relasyon.

Kining ikaduha nimong uyab, pasabta lamang siya pag-ayo kun ugaling makigbulag ka kaniya. Ingna siya nga ikaw ang klase sa babaye nga dunay baroganan ug dili gusto nga motago sa kamatuoran ug mao kini ang hinungdan kun nganong imo siyang bulagan. Wala siyay mahimo kun dili na ka tungod kay walay tawo nga puydeng pugson sa hinigugma. -- Tita Salie