Ang balay nga igit
Sibaw na man gud kaayong balita nga daghan nang kabalayan ang gikawatan sa ilang barangay. Dihay gikawata’g pukot, manok, itlog, shorts, brief, tsinelas, balde, kabo, metrosan sa tubig, hose sa tubig, alkansiya, antipara, postiso, binangan nga kahoy, plato, kutsara, tinidor, kaha, kan-on, sud-an, shampoo, sabon, tissue, sudlay, sulod, barbas, nailcutter ug uban pa. Ha! hastang uban, giapil pa? Grabe gung kawatana! Gani siya si Esmer, gikawatan kuno’g condom.
“Ha! gikawatan ka’g condom, Bay?†sa kahikurat ni Inghoy.
“O, uy! buang kawatana,†ni Esmer, pinalingo-lingo pa.
“Asa man diay nimo gibutang, Bay?†ni Inghoy.
“Sa akong pitaka,†ni Esmer.
“A, ang pitaka diay gikawat adto, Bay, naapil lang ang condom,†ni Inghoy nga nakangisi.
“Maingon-ingon gyud ana. Mao bitaw mangutana ko nimo ron unsay maayo nga balay nga lisud sudlo’g akyat bahay gang, lisud kawatan ug lisud lungkaban?†matud ni Esmer ngadtong Inghoy nga diha sa iyang atbang naglingkod pud sa sala bamboo sofa. Gipatung-an sila sa lamiseta nga dihay usa ka botelyang red wine, dala ni Inghoy nga gikalingawan nila’g dimdim ug usa ka fried chicken bisaya niluto nilang Esmer nga gikalingawan nila’g sumsom samtang nagtabi.
“Sayon ra kaayo, Bay! Kanang balay nga igit nga hait ang ibabaw†ni Inghoy dayong sumsom sa fried chicken.
“O, nganong ngisi man ka, Bay?†“Unsay balay nga igit? Kanang kaatbang sa tobol nga tae?†ni Esmer nga misigang ilong.
“Dili, uy! Ay’g pataka, diha. Lud-on nang gabasa, mosuka gani na na. Masukaan nya ning iyang gibasa, di na gyud niya mabasa ang ending ning atong estorya,†ni Inghoy nga naigpot tawon sa iyang lingkoranan.
“Aw, unsa man diay?†ni Esmer nga nikatawa’g samot.
“Balay nga i-gate ba, i-koral og taas unya butanga’g hait sa ibabaw. Mahimong botelya o binuak ba nga botelya,†ni Inghoy.
“Aw, syalan, ba, diay ... mao diay na!†ni Esmer nga nakapangawot sa iyang lubot. (Katapusan)
- Latest
