Isla Paraiso
Gula 91
Apan nadiskubrehan karon ni sister Veronica sa iyang kaugalingon nga si Rey may dako nang luna sa iyang kasingkasing. Wala siya magdahom nga moabot kining maong punto sa iyang kinabuhi -- nga malukmay ang iyang kasingkasing ug mahulog ang iyang pagbati ngadto sa lalaki nga makanunayon nga nangaliyupo sa iyang gugma.
Apan wala pa gihapon magdalidali si sister Veronica sa pagpakanaog sa iyang hukom. Iyang gitun-an ang matag aspeto sa luwatan niyang desisyon. Dili siya buot nga magmahay sa kapulihay. Mao nga sa dili pa niya bug-oson ang iyang hukom, seguroon niyang daan nga wala siya masayop sa iyang gihimo.
Nianang pagkaudto, nanawag si SPO3 Rey Corpuz sa kombento. Si sister Belen maoy nagpahibalo kang sister Veronica nga nangita kaniya si Rey sa telepono. Gipakigsultihan sa madre ang lalaki nga nangulitawo kaniya.
“Kumusta na ang pamati mo sa imong lawas?†Nadungog niya ang tingog ni Rey sa pikas linya. Nagsusi diay kini sa iyang kahimtang.
“Medyo maarang-arang na ang pamati ko sa akong lawas,†tubag ni sister Veronica. “Pasensiya ka na nga wala ko ikaw matagad kagabii.â€
“Okey lang,†ni Rey pa. “Nakasabot ko. Sorry usab diay nga nanawag ko kanimo karon. Nagsusi lang ko sa imong kahimtang.†-- Sumpayan pa
- Latest
