Nangipon

Dear Tita Salie,

Good day. I am your avid reader. Ganahan lang gyod ko mobasa aning imong column. Aduna sab koy gitagoan nga problema, Tita Salie nga akong ipaambit kanimo. Just call me Yang, 22 yrs old. Duna ko’y ka-live in mag 2 yrs na ming nag-ipon.

Ang akong problema kining iyang family. Anyway, niipon mi nila og puyo karon. Maglagot ko kay kun mangayo ang pamilya sa akong kaipon mobungat gyod kun pilay pangayoon. Akong kapuyo masuko nako kay dili ko makahatag. Sus, pinugsanay diay nga naglisod pod baya mi. Wala pa gyod mi kasal. Dili gyod mi katigom.

Tita Salie, nagkunsimisyon gyod ko ining akong sitwasyon karon. Palihog pasabta ko kun unsay maayo kong buhaton. Thank you and more power.

* * *

Maayong adlaw Yang,

Nag-atubang man gyod ka og nagkadaiyang sitwasyon. Sama sa konsepto ninyo nga nangipon mo, sama sa wala pa mo makasal o nag-live-in pa mo, sama sa pagbungat sa imong dili legal pa nga father and mother in laws kay wala pa man mo makasal.

Yang, mahimo nimong pasimplehon ang sitwasyon. Aniay lakang, hikaya nga mahimong legal na ang inyong kaminyoon ug puyo sa lugar diin layo sa ginikanan sa imong mahal karon. Puyde mo mag-renta og simpleng balay nga ubos lang sa abang kay sa ingon niana nga paagi makatigom ka. Ug ang paghatag nga kinasingkasing maoy importante. Dili sila makapugos kun pila ang ihatag sanglit layo man kamo ug wala na moipon kanila. -- Tita Salie