Isla Paraiso

“Sultihi ako, sister Veronica,” matud na usab sa madre superyor, “kun unsay hinungdan sa pagpunay og pamisita ni Corpuz kanimo?”

Gikulbaan si sister Veronica pagkabati sa pangutana sa madre superyor. Unsay iyang buhaton? Tug-anan ba niya ang madre superyor sa tinuod?

“Nangulitawo ba siya kanimo, sister Veronica?” Nanagat na gayod sa pagpangutana ang madre superyor gumikan kay wala man gayod motingog si sister Veronica.

Apan si sister Veronica nagpabilin gihapon sa kahilom.

“Managsama kitang babaye, sister Veronica,” sa madre superyor pa. “Kun unsay imong bation mao usab kana ang akong bation. Busa laomi nga hisabtan ko ikaw. Kun unsay pagsulay nga imong nasinati, nubentay singko porsiyento, kun dili man siyento porsiyento nga nakasinati usab ako niini. Busa sultihi ako, sister Veronica. Wala’y laing magtinabangay taliwala sa kalisod ug sa suliran kun dili kita ra.”

Si sister Veronica tul-id na usab nga mitan-aw sa madre superyor.

“Nangulitawo kanimo si SPO3 Corpuz, dili ba? Nangutana na usab ang madre superyor.

“Daan pa lagi gyud ko,” nakaingon ang madre superyor.

“Unsa may angay kong buhaton, mother?” Nangayo og tambag si sister Veronica sa madre superyor. -- Sumpayan pa