Ungo ang iyang Valentino
Ugma mao na ang Valentine’s Day ug gibati na siya og kahinam kay ang lalaki nga iyang gihigugma iya na man usab unyang ikakuyog ug atol pa gyud sa Valentine’s Day, ang adlaw sa managhigugmaay. Lima pa lang ka bulan ang gidugayon sa ilang relasyon ni Gener. Alang kaniya ni Helen buotan nga pagka-ulitawo si Gener.
Ug kun dili pa tungod ni Gener tingali mapusgay gyud ang gihay sa iyang pagka-bulak dihang usa kadto ka gabii nga giatngan siya’g tulo ka lalaki diha sa mingaw’ng dalan paingon sa ila. Gikuptan siya niadto sa tulo ka lalaki ug gisugdan na’g himashimas ang labing importanteng parte sa iyang lawas.
Misinggit siya apan dili makagawas ang iyang tingog kay gibaatan ang iyang baba. Ug usa sa mga dautang lalaki nga buot nang moangkon sa iyang pagka-putli mikanlat sa iyang sinina ug lakip na ang iyang underwear gilangkat sa mga lampingasan nga mga manlulugos nga gutom sa unod.
“He, he, he, kalami nimo’g lawas, Ines,†nagkanayon kadtong usa sa tulo ka lalaki. Nagsul-ob kini’g bonit aron pagtago sa tinuod niyang hitsura. Unya gigakos dayon siya sa lalaki ug gihagkan taman sa ginhawa. Apan kalit lang may igham silang nabati. Ug kay hayag ang buwan ilang nakita ang usa ka bayhon sa usa ka lalaki nga kalma kaayong naglakaw nga nagpaingon kanila. Unya, gibadlong ang tulo ka manglulugos.
“Buhii ninyo ang babaye,†niini pa sa kalmado nga tingog.
“Kinsa kang mibadlong namo, ha. Gusto ka tingali’g among pakan-on og tingga,†nagkanayon kadtong isogon nga lalaki. Wala pa gani makaibot sa iyang pistola ang lalaki gikan sa iyang hawak kalit lang milukso ang misteryosong lalaki ug gipanumbag ug gipamatiran niini ang mga manglulugos nga sama kaabtik sa kilat ang lihok.
“Sibat ta, mga parts, kay dili mabangbang ang iyang lihok, kusgan ug abtik kaayo, aaayaayyy....aaahhhgghh!†ug naglumba’g panagan ang tulo ka lalaking manglulugos. Ug didto magsugod ang panagtagbo sa mga pinitik sa ilang kasingkasing.
“Mahal ko ikaw, Ines,†ni Gener pa. “Apan, duna ko’y tinagoan sa akong pagkatawo. Wala pa gyud nimo masayri ang tinuod kong pagkatawo...,†ni Gener pa ug unya mihalok kini kang Ines.
“Unsa nga tinagoan kana, Gener?†hinay ang tingog sa dalaga.
“Ugma kay Valentine’s Day, adto nako isulti nimo ang tanan. Ug adto gihapon ta manuroy sa paborito natong parke. Okey, Ines?†bugnaw ang tingog ni Gener.
Valentine’s Day ug bugnaw ang huros sa hangin dinhi sa parke. Daghan usab ang managhigugmaay nga nanag-date ning mga orasa sa kagabhion. Didto sila manglingkod si Ines ug Gener sa may lingkoranan nga nag-umbaw sa baybayon. Ug didto ilang gisubli-subli ang ilang mga panumpa. Unya si Ines wala makapugong sa pagpangutana dihang nahinumdom siya sa giingon ni Gener nga tinagoan niini.
“A, kuan, Ines, dili ko sama kaninyo nga normal lang ang pagkatawo. Ungo ko, Ines ug taga sityo Hait-Bangkil ko, ang dapit sa dunay daghang ungo,†ni Gener pa ug unya nahilom. Unya kalit lang may naninggit kay duna kunoy tawo nga naghuramentado ug nagdala’g hait kaayong pinuti ug duna nay natigbasan didto sa may pikas nga hawan duol sa mga dagkong kahoy. Ug maoy nakita ni Ines ang huramentado nga nagdagan paingon kanila nga nagwarawara sa nagkadugo nang pinuti. “Patyon ko kamong tanan dinhiiii!†niini pa nga duol na lang kanila ni Ines ug Gener. Unya sama sa kilat ang lihok ug unya kalit usab nga nausab ang hitsura ni Gener. Usa na siya ka mangtas nga ungo ug iyang gidasmagan ang naghuramentado ug gipaak ang liog. Mitig-ik kini ug kalit nga natumba ug gikuniskunis pa gyud ni Gener ang lawas sa naghuramentado. Ug dayon namiya sila si Ines ug Gener sa parke.
“Karon, Ines, nga nahibawo ka na sa tinuod kong pagkatawo, imo pa ba gihapon kong higugmaon?†ni Gener pa.
Miyango si Ines ug namulong, “Di ko igsayapan kun ungo ka man, Gener. Ang importante nako nga mahal ko nimo ug mahal ko usab ikaw. Happy Valentine’s, Gener...
Ug nag-akob ang ilang mga ngabil. (Kataposan)
- Latest
