Dili na mawagtang

Dear Tita Salie,

Have a nice day. Just call me Richelle, 19 years old, usa ka dalaga.

My problem is about my lovelife and I hope nga imo kong matabangan niining akong problema.

We really love each other, Tita Salie. Love gyud kaayo nako siya until one time nga gihatagan mi og situwasyon. Maybe just to test kun unsa gyud ka strong ang among love.

One time, nangayo siya’g help nako sa iyang problema sa financial. Apan matud ko nga wala ko’y ikatabang kay wala man ko’y kuwarta.

Human niadto iya kong giingnan nga nagkaanam og kawagtang ang iyang gugma diri kanako. Ug perti nakong hilak, Tita Salie. Pero nag-sorry siya kay wala kuno niya tuyoa.

Tinuod kaha ang iyang gisulti? Unsa may akong buhaton nga dili na man gyud mawagtang sa akong hunahuna ang iyang gisulti? Palihog pasabta ko. Thank you very much.

* * *

Hello Richelle,

Ang inyong situwasyon ug ang unod sa inyong conversation nagtimaan lamang sa inyong pagka-immature. Mga bata pa gyud mong duha. Of course iya ra kang gisugsog sa iyang gisulti diha kanimo without thinking nga mopatol ka o  imong hunahunaon pag-ayo ang unod niini. Sugsogay lamang kini sa mga bata, Richelle ug dili angayan tuohan.

Kun padayon pa ang inyong relasyon karon imo kining makit-an sa iyang mga lihok o sa iyang mga gipangbuhat diha kanimo. Tan-awa kun duna bay kausaban sa iyang gipanghimo sa una sa wala pa nimo siya balibari unya kun imo ganing mamatikdan nga medyo milaylo na siya kanimo, well, makaingon ta nga tinuod o dunay unod ang iyang estorya. Ug kun ingon siya niining matanga sa tawo dili gyud ka malipayon uban kaniya. -- Tita Salie