Gustong paundangon

Dear Tita Salie,

Have a nice day. And may the almighty God give you everything that you need in life.

By the way, just call me Ms. Lynna, 18 years of age ug nagtungha pa sa college.

Nagproblema ko niining akong boyfriend, Tita Salie, kay lisod sabton ang iyang hunahuna. Hinuon, love kaayo nako siya apan dili man mi magkasinabot. Mao nga hinaut unta nga imo kong katabangan niining akong problema karon.

Mao man go’y iyang gusto, Tita Salie, nga moundang ko sa pag-eskuyla aron kuno dali na lang kun magkita mi ug dili na ko busy. Kay gusto niya nga wala’y babag ang among relasyon.

Apan gusto pa ko nga makahuman pagtungha. Mao nga ganahan ko nga buwagan na lang siya. Pero love man gud kaayo nako  siya. Unsaon man ni nako karon? Palihug pasabta ko sa angay kong buhaton. Thank you and more power.

* * *

Good day Lynna,

Kinasingkasing gyud ko nga mohangyo kanimo nga palihug ayaw gyud intawon padala nianang imong uyab. Selfish kaayo siya ug wala gyod maghunahuna sa iyang kaugmaon ug sa imong kaugmaon.

Mora’g tataw lang kaayo nga wala gyud siya moeskuyla karon ug wala siya’y pakialam sa tinuod nga kinabuhi. Mas maayo usab seguro kun imo siyang tudloan nga mamahimong responsable sa iyang kinabuhi. Tabangi siya nga iyang makit-an kun unsay kinahanglan pag-ayo sa atong kinabuhi. Tabangi siya aron siya  maningkamot nga moasenso ug dili maglisod sa iyang kinabuhi kay kun tinuod ang iyang gugma kanimo maminaw gyud siya ug iyang sundon ug buhaton kun unsay makaayo sa inyong relasyon. -- Tita Salie